Rustaður morgun

Tað gráliga følvið er vovið um

brimgarðin og goymsluhúsini.

Teir gulu veggirnir við rustaðum

rípum frá skrædnaðum blikktekjum.

Tey svørtu sporini enda í tí báa

glerinum sum veksur upp úr tí illreyða

píkatráðnum.

Einglabarnið hevur skrivað fuck you

á tað samansjunkaðað portrið. Einaferð

var her lystiligt. So hvurvu andlitini

Teir lærdu granska søguna. Teir eru

ósamdir um hvussu slóðin skal tolkast.

Tað sigst at politiið stendur á berum.

Ongi orð eru í málinum. Alt er rustað fast

Mynd: Silja Strøm

Yrking: Rói Patursson.
Yrkingin stendur á síðu 74 í Brá nr. 13/14 8.árg.1989