Kristina Sundar Hansen, sjónleikari
1. Hvat er tað mest umráðandi, sum er hent innan fyri føroyska list seinastu 10 árini?
At tað koma fleiri og fleiri nýggj dugnalig útbúgvin listafólk, og at tað eru komnir lógarkarmar og pallar, sum fakfólk hava ”møguleikar” at virká á.
2. Hvussu metir tú korini eru hjá listini her á landi?
Útbúgvin listafólk hava tað ikki lætt við at finna seg tilrættis í tí føroyska lista(klandri)kulturinum. Og tí eru tað alt og fá sum venda heim aftur eftir útbúgving.
3. Hvat er tað besta, sum kundi hent fyri at givið tínum listaslagi betri kor?
At sjónleikarar dugdu betri at samskifta á ein objektivan hátt; pláss fyri at hugsa nýtt; umsitan av fakvitan, soleiðis at hon kemur øllum performativun økjum í tí føroyska samfelagnum tilgóðar. Og sjálvandi pengar...
Listin er nú eisini farin í holtur við eina sonevnda voxpopp kanning, sum allir miðlar við sjálvsvirðing koyra ígjøgnum av og á og sum gongur út uppá at spyrja øll møgulig fólk um alt møguligt. Listin hevur tó valt bert at spyrja nøkur listafólk tríggjar spurningar um list.
Voxpopp-kanningar eru altíð tilvildarligar, og tað er hendan eisini. Í fyrstu atløgu hava vit spurt nøkur listafólk innan fýra tær stóru listagreinarnar: bókmentir, myndlist, tónleik og leikllist.
Vit seta eitt og eitt svar inn, men øll svarini síggjast undir evninum: Listavoxpopp. (IS)
